Adegan ing Pewayangan

Adegan ing Pewayangan

Ing pagelaran wayang nggadahi adegan-adegan baku ingkang kedah wonten ing pagelaran jangkep (sawengi natas), inggih menika:

1)   Jejer                 : adegan ratu, dladhep ing patih, putra sentana lan punggawa, gunem apa sing dadi sedyane.

2)   Kedhatonan       : sang prabu jegkar, mlebu ing kedhaton, dipethukaken prameswari.

3)   Paseban njaba    : patih ngundhakake sedya timbalaning nata, banjur budhalan ngestokaken dhawuh, lakune padha jejaranan.

4)   Jejer sabrangan  : sing mesthi adegan ratu buta, dewa sedya ngemperi utawa padha karo ratu adegan sepisanan, uga banjur mbudhalna wadyabala.

5)   Prang gagal       : wadya balane ratu ing adegan sepisan, tempik karo wadyabala sabrangan, dadi prang rame, nanging ora ana sing kalah, ora ana sing menang, banjur padha simpangan.

6)   Jejer pandhita    : pandhita diadhep cantrik, dhayoh satriya sapunakawane. Rembuge. Satriya golet pituduh, winejang dening pandhita.

7)   Gara-gara          : adegan para Punakawan kang saweg ngelipur dhiri lan nglelipur bendaranipun.

8)   Perang kembang : satriya ambek utama kasengguh mudhun sekang padhepokane pandhita linuwih, andon laku nasak alas, munggah gunung, mudhun gunung, temurun jurang, ngunggahi pereng. Sanepane, satriya anggayuh utama, ora wedi kangelan lan rekasa, prihatin dadya pangasahing budi, tetep ayem, jenjem, tentrem, mamrih santisaning karsa. Panglipure punakawan papat. Lakune kepapag bala ing adegan 4 lan 5 dadi prang rame . bala nomer 4 kalah.

(Sumber: Lks Basa Jawa kelas XI)