wara-wara

Wara-Wara

Wara-wara nduweni teges aweh weruh, ngumumake, lan kandha-kandha marang wong liya. Tujuane wara-wara yaiku menehi ngerti utawa weruh marang sapa wae ngenani sawijining bab.

Dene syarat nggawe wara-wara kaya ing ngisor iki:

1.    Basa kang digunakake kudu nduweni teges wantah (jelas dan tegas)

2.    Tembung-tembung cekak aos

3.    Isine medharake sawijining bab kanthi jangkep supaya kang maca gamblang apa kang dikarepake

4.    Isine ngemu surasa pangajak, panyaruwe, larangan, lsp

5.    Beger lan isine kudu bisa narik kawigaten sapa wae

Tuladha:

Wara-wara Wigati

Minangka tataran ajange maca lan nulis basa lan sastra Jawa, Panitia Peringatan Tanggap Warsa kaping 60 SMP Negeri 04 Kepanjen ngadani lomba ngarang geguritan.

Dene syarat-syarate melu lomba kaya ing ngisor iki

1.    Pesert lomba siswa SMP N 04 Kepanjen kelas VII-IX

2.    Naskah geguritan asli karyane dhewe

3.    Naskah geguritan durung tau dipacak ing koran utawa majalah

4.    Naskah dikirim menyang panitia lomba ngarang lan maca geguritan jawa

5.    Naskah geguritan uga dikantheni data peserta (jeneng, tempat lan tanggal lair, tamat, telepon)

6.    Naskah ditunggu dening panitia paling keri tanggal 19 Agustus 2012

7.    Ayo rame-rame melu lomba! Kanggo ngisi wektu kosong ngiras pantes ngukur kabisan ing babagan sastra Jawa

Panitia Ngarang lan Maca Geguritan Jawa

 (sumber: pepak basa jawa)