Tanggap Wacana

Tanggap Wacana Mengeti Dinten Kartini

Assalamu’alaikum wr.wb

Para rawuhkakung putri ingkang  satuhu kinurmatan

Pengetan dinten Kartini punika kita adani, awit saking kadereng ngurmati lelabetanipun para pahlawan bangsa ingkang sampun ngrumiyini katimbalan ing pangayinaning Pangeran. Para wicaksana sampun paring sesuluh, bilih bangsa ingkang kinurmatan punika bangsa ingkang saget ngurmati lelabetenipun para pahlawan. Kita boten remen manawi dipun wastani bangsa utami ingkang boten kinurmat, bangsa ingkang aji.

Kanjeng Nabi Muhammad paring dhawuh: “kaum wanita kuwi jejer dadi saka gurune negara. Yen wanita sawijining bangsa kuwi bobrok, bakal bobrok negarane. Kula aturi menggalih, kados pundi manawi estri sami ngangsa-asa bandha, tansah ndhesek kakunge dipun uja kamurkaning bab bandha. Kakung mesthi badhe tumindhak nalisir saking samesthinipun. Ingkang wonten kalodhangan lajeng sami korupsi, nguleri bandha negari.

Pararawuh, dene kewajiban pawestri ingkang makaten wau dipun gesangaken malih lan dipun pandhengi dening Raden Ajeng Kartini. Panjenenganipun pengin mulihaken hakipun kaum estri ingkang jaman samanten dipun rampas dening penjajah. Raden Ajeng Kartini boten namung berjuang kangge kelompok lan golonganipun. Senajan panjenenganipun golongan bangsawan, nanging perjuanganipun kangge kawula sedaya. Panjenenganipun ada-ada utawi ngadani Sekolah Pawestri, supados tiyang estri ugi pinter kados tiyang kakung. Manawi sampun pinter, boten badhe nguja kekajenganipun penjajah,mesti badhe mbangkang dipun jajah, satemah kaum wanita tangi, gumregah, sesarengan kaliyan kakung sami berjuang merdikakaken bangsanipun.

Nanging ing akhir-akhir punika, eba sedhihipun Raden Ajeng Kartini, awit sareng sampun kasil perjuanganipun, kepara-para putri sami klintu arahipun. Sedaya kepengin dipun sami kaliyan priya. Setamah ngantos boten wonten wates antawisipun priya lan wanita.

Sinaosa Raden Ajeng Kartini berjuang nuju emasnipasi/hak sami antawisipun priya lan wanita, nanging tetep anut kodrat boten sami kaliyan priya. Tetep kakung punika pemimpinipun wanita. Bapak tetep minangka pemimpin rumah tangga.

Ing wusana, manga sami ndedonga mugi-mugi gegayuhan luhuripun Raden Ajeng Kartini, saged tansah kajiwa wonten ing pribadinipun Kartini Kartini jaman samangke, sahengga ambabar ganda arum nuju kuncaranipun bangsa Nusantara.

Makaten, sedaya kalepatan nyuwun pangapunten, Matur Nuwun.

Wassalamu’alaikum wr.wb

(Sumber: Pepak Basa Jawa)