Parikan

Parikan

Parikan ana 2 werna:

a.    Parikan sing dumadi saka rong gatra (parikan tunggal)

b.    Parikan sing dumadi saka patang gatra (parikan rangkep)

Tuladha:

1.   wedang bubuk, gula jawa

yen kepethuk, ati lega

2.   abang-bang gendera Landa, ana sing ijo kok milih putih

bujang maneh ora ngluyura, sing wis duwe bojo ora tau mulih

3.   ana brambang sasen lima

berjuang labuh negara

4.   bibi surip tuku klobot, pethuk encik tawa roti

uwong urip pancen abot, mula becik ngati-ati

5.   kutha Kendal kali wungu

aja kenal karo aku

6.   yen kembang-kembange kacang, dudu kembange puspa nyidra

sih cilik dikudang-kudang, bareng gedhe gawe rekasa

7.   nembang mlathi, warna peni ngganda wangi

watak putri, kudu setiti angati-anti

8.   korek gambar klenthing

kula ndherek wonten wingking

9.   wedang jeruk tanpa gula

luwih becik sing prasaja

10. Semarang kaline banjir

Aja sumelang ora dipikir

11. Esuk nyuling sore nyuling, sulinge arek Surabaya

Esuk eling sore eling, sing dieling ora rumangsa

12. Awan-awan aja keluyuran, anapak mantri numpak sekuter

Kapan-kapan aku keturutan, duwe kanca sinaune pinter

13. Esuk nembang sore nembang, tembangane asmaradana

Esuk ngadhang sore ngadhang, sing diadhang ora teka-teka

14. Tawon madu ngisep sekar

Dadi guru kudu sabar

15. Wajik klethik gula jawa

Luwih becik sing prasaja

16. Manuk kutut, manggunge ngganter

Yen ra nurut, bisa keblinger

17. Wajik klethik gula abang

Aja suthik yen tumandang

18. Godhong kecipir mrambat kawat

Najan ra mampir, nanging liwat

19. Jambu apa jeruk

Aku melu apa entuk

20. Jemek-jemek gula jawa

Aja sok ngenyek karo kanca

(sumber: pepak basa jawa)